"Барселона" вингери Рафинья Диас FIFPro талқинига кўра 2025 йил рамзий жамоасига киритилмаганидан сўнг ўзининг Instagram ҳикоясига шу сўзларни жойлади.
«Лео Месси ва Криштиану Роналду кетганидан кейин Европада ҳеч ким 60 та голга ҳисса қўшмаган — фақат Рафинья бундан мустасно.
Чемпионлар лигасида Криштиану Роналдунинг голларга тўғридан-тўғри ҳиссасига ҳеч ким тенглашмаган — фақат Рафинья бундан мустасно.
Ўтган мавсумда ҳеч ким ўйинлар сонига нисбатан кўпроқ гол ва ассист қилмаган — фақат Рафинья бундан мустасно.
2015 йилда Мессидан бери ҳеч ким Чемпионлар лигасида бир вақтнинг ўзида энг кўп гол ва энг кўп ассист қилмаган — фақат Рафинья бундан мустасно.
Ҳеч бир бразилиялик футболчи Чемпионлар лигасида 10 тадан ортиқ гол урмаган — фақат Рафинья бундан мустасно.
Месси, Суарес ва Неймар кетганидан бери "Барcелона"да бир мавсумда 50 тадан ортиқ голларга ҳеч ким ҳисса қўшмаган — фақат Рафинья бундан мустасно», - деб ёзди 28 ёшли бразилиялик футболчи.
Рафинья аввалроқ "Олтин тўп" рейтингида 5-ўринни эгаллаган эди.
