"Барселона" президенти Жоан Лапорта жамоанинг иқтидорли вингери Ламин Ямални қўллаб-қувватлади.

"Ламин - даҳо. Мен унинг томонидаман, уни тўлиқ қўллаб-қувватлайман. У ажойиб йигит ва ажойиб футболчи. Биз унга ғамхўрлик қилишимиз ва уни ҳимоя қилишимиз керак. Ямални ҳимоя қилиш, ёнида бўлиш ва қўллаб-қувватлаш билан боғлиқ барча ишларни тўлиқ қўллаб-қувватлайман. У бор-йўғи 18 ёшда ва содир бўлаётган барча воқеаларга дош бериш унга осон эмас.

Биз унга тушуниш билан муносабатда бўлишимиз керак. Унда пубалгия бор эди, бу эса бир кечада даволанмайди. У жуда тиришқоқлик билан ишлайди ва ҳурматга лойиқ", - дея Лапортанинг сўзларини келтиради Goal портали.

Чоршанба куни "Барселона" Чемпионлар лигаси доирасида "Брюгге" меҳмони бўлади.