Осиё чемпионлар лигаси-2 мусобақаси "B" гуруҳидан ўрин олган “Ал-Холидия” — “Андижон” учрашуви дуранг натижа билан якунланди. Шацких жамоаси турнирда кетма-кет 0:0 ҳисобини қайд этмоқда.
Учрашув бошиданоқ “Андижон” рақиб дарвозаси томон босимни оширди. Бир неча бор бурчак зарбалари орқали хавфли вазиятлар яратилди, аммо аниқлик етишмади. Шахзод Азмиддинов 17-дақиқада зарба йўллади, бироқ тўп нишонга етиб бормади.
Биринчи бўлим ўрталарида рақибнинг қўпол ўйини сабабли Сардор Азимов жароҳат олиб, майдонни тарк этди. Бу вазиятда ҳакам рақиб футболчисини майдондан четлатиши керак эди. Аммо кореялик рефери фақат сариқ карточка билан чекланди. Бўлим якунланишига яқин “Андижон” дарвозабони Токотаев бир нечта муҳим сэйвлар билан жамоани голдан сақлаб қолди — айниқса 48-дақиқадаги устунга теккан зарбадан сўнг у қаҳрамонга айланди.
Иккинчи бўлимда ўйин суръати бироз пасайди, лекин андижонликлар қарши ҳужумларда фаол бўлишди. Бектемир Абдуманноновнинг хавфли узатмаси голга айланмади. Токотаев эса яна бир неча бор рақиб зарбаларини қайтариб, жамоани қутқарди.
Ўйин сўнгида “Андижон” сафида қатор ўзгаришлар амалга оширилди: Азмиддинов ўрнига Ашуров, Жўрақозиев ўрнига Акинаде, Дамир Темиров ўрнига Саиднуроллаев ва Абдуманнопов ўрнига Шоҳжахон Ёрқинбоев майдонга туширилди. Аммо ҳисоб ўзгармади.
Учрашувнинг энг яхши ўйинчиси: Токотаев — бир нечта ишончли сэйвлар билан жамоани мағлубиятдан сақлаб қолди.
“Андижон” шу тариқа яна бир “нурсиз дуранг” билан кифояланди ва жамоа 4 очко билан "B" гуруҳида 3-ўринни эгаллаб турибди. Жамоа кейинги баҳсни "Аркадағ"га қарши ўтказади.
ОЧЛ-2. "B" гуруҳи, 4-тур
“Ал Холидия” — “Андижон” 0:0
| № | Жамоа | Ўйин | Ғалаба | Дуранг | Мағ-т | Т - Н | Очко | |
|---|---|---|---|---|---|---|---|---|
| 1 |  |
Ал-Аҳли Доҳа | 5 | 1 | 4 | 0 | 5-4 | 7 |
| 2 |  |
Холидия | 5 | 1 | 3 | 1 | 3-2 | 6 |
| 3 |  |
Андижон | 4 | 0 | 4 | 0 | 0-0 | 4 |
| 4 |  |
Аркадағ | 4 | 0 | 3 | 1 | 3-5 | 3 |
