"Брюгге" Чемпионлар Лигаси доирасида "Барселона"га қарши ўйинда (3:3) ғалабани сақлаб қола олмади. Учрашув қаҳрамони мезбонлар вингери Карлуш Форбс Борхес бўлиб, у дубль ва ассистни ўз ҳисобига ёздириб қўйди. Opta хабарига кўра, португалиялик футболчи Чемпионлар лигасида Каталония грандига қарши ўйинда гол урган ва голли узатмани амалга оширган тарихдаги энг ёш (21 ёш-у 231 кун) футболчига айланди. Бунгача рекорд машҳур англиялик Девид Бекхэмга тегишли бўлиб, у 1998 йилда 23 ёшу 137 кунлигида худди шундай натижага эришган эди.
"Брюгге" умумий турнир жадвалида 4 турдан сўнг 4 очко билан 22-ўринни эгаллаб турибди. "Барселона" 7 очко билан 11-ўринда бормоқда.
