"Реал"да ҳаммаси кўринганидек силлиқ эмас. Машҳур El Chiringuito дастурида янграган маълумотларга ишонадиган бўлсак, футболчиларнинг бош мураббий Хаби Алонсога эътирозлари бор.
"Реал" кийиниш хонасида Алонсо жуда совуққон ва уларни тушунмаяпти, деб ҳисоблайдиган футболчилар бор. Қайд этилишича, футболчилар Чемпионлар лигаси доирасидаги "Ливерпуль"га қарши ўйинда Трент Александр-Арнольд нега майдонга тушганини тушунишмаган.
Эслатиб ўтамиз, "Реал" сафарда "Ливерпуль"га 0:1 ҳисобида имкониятни бой берди. Энди Хаби Алонсо "қаймоқранглилар"ни "Райо Вальекано"га қарши дербига тайёрламоқда. Ўйин 9 ноябрь, якшанба куни бўлиб ўтади.
