"Ливерпуль" марказий ҳимоячиси Ибраима Конате мавсум якунлангач, клубни текинга тарк этиши мумкин. Шартнома 2026 йил июнь ойи охирида тугайди ва янги келишув бўйича келишувлар ҳали ҳам мавжуд эмас. Bayern & Germany нашри тарқатган хабарга кўра 26 ёшли футболчининг вакиллари "Бавария", "ПСЖ" ва Мадриднинг "Реал" клублари билан музокаралар олиб бормоқда.

Конате учун асосий даъвогар "Бавария" бўлиб турибди, у ҳам келаси ёзда шартномаси тугайдиган Дайо Упамеканога ўринбосар изламоқда. "Реал" ҳар иккала франциялик марказий ҳимоячига даъвогарлик қилмоқда, аммо улар Упамекано номзодини маъқул кўришмоқда.

Transfermarkt портали Ибраима Конатенинг нархини 55 млн еврога баҳоламоқда.