"Наполи" Кевин де Брюйненинг жароҳатидан сўнг ўрта чизиқни кучайтиришга ҳаракат қилмоқда.
Яқинда Италиянинг амалдаги чемпионлари "Манчестер Юнайтед" хавбеки Кобби Майнуга яна қизиқиш билдираётгани, аммо "қизил иблислар" янги юлдузни январда қўйиб юборишни режалаштирмаётгани хабар қилинганди.
Fichajes хабарига кўра, неаполликлар Майнуга муқобил сифатида "Барселона" футболчиси Марк Касадони кўришмоқда. А Серия гранди испаниялик ярим ҳимоячи учун 30 млн евро беришга тайёр.
Жорий мавсумда Касадо Ҳанс-Дитер Флик жамоаси сафида 12 марта майдонга тушиб, битта голли узатмани ўз ҳисобига ёздириб қўйди. 22 ёшли футболчининг шартномаси 2028 йилгача мўлжалланган.













