Қозоғистоннинг "Актобе" клуби мураббийи Владимир Никитенко Норвегиянинг "Хедд" клубига қарши Европа лигаси доирасидаги дастлабки учрашувдан (0:1) сўнг фикрлари билан ўртоқлашди.
- Натижа, албатта, дилимизни хира қилди, аммо бундай ўйинда дуранг ҳам биз учун яхши бўлар эди. Биз қийин ўйин кутган эдик, биринчи бўлимда ҳар икки томонда ҳам вазиятлар бўлди. "Хедд" гол ура олди. Бизга ўзбек легионерлари етишмади, улар ҳужумларимизда кескинликни келтириб чиқарган бўлар эдилар. Рақиб дарвозабони неча марта жамоасини қутқарган бўлса, шунча марта ўйинчиларимизга моҳирлик етишмади.
