"Тоттенхэм"нинг собиқ бош мураббийи Маурисио Почеттино "шпорлар"нинг собиқ бошқарув раиси Даниэль Леви ҳақида гапирди.
"Левининг кетишидан жуда ҳайрон бўлдим. Унинг мероси ҳеч қаерга кетмайди. Унинг клуб учун қилган ишлари ҳайратланарли. У билан доим яхши муносабатда бўлганмиз. "Тоттенхэм"да бўлганимда ҳам, кетганимдан кейин ҳам. У ҳақиқатан ҳам муҳим инсон эди, чунки менга "Тоттенхэм" каби клубни бошқариш имкониятини берди. Мен учун бу ажойиб мухлисларга эга дунёдаги энг яхши клублардан бири," - дея Почеттинонинг сўзларини келтиради BBC.
Эслатиб ўтамиз, Леви "Тоттенхэм"да 2001-2025 йиллар давомида ишлаган. У билан бирга пойтахт клуби Англия Лига кубоги ва Европа Лигасида ғолиб чиқди.
