Истанбул Бош прокуратураси футбол ҳакамларининг букмекерлик ўйинларига пул тикиш иши бўйича 21 нафар гумонланувчидан 18 нафарини ҳибсга олишга ордер берди, ҳибсга олинганлар орасида Суперлига клуби президенти ҳам бор. Бу ҳақда Anadolu агентлиги хабар бермоқда.

Аввалроқ Туркия футбол федерацияси 149 нафар профессионал ҳакамни саккиз ойдан бир йилгача муддатга четлатган эди.

Федерация раҳбари Иброҳим Ҳожиосмонўғли миллий футболда "маънавий инқироз" кузатилаётганини айтди. Унинг сўзларига кўра, ҳакамларга нисбатан ўтказилган терговда уларнинг 42 нафари ўйинларга мингдан ортиқ, биттаси эса 18 227 марта пул тикканлиги аниқланган. Кўп ҳолларда ставкалар бир марта амалга оширилган.