Istanbul Bosh prokuraturasi futbol hakamlarining bukmekerlik o‘yinlariga pul tikish ishi bo‘yicha 21 nafar gumonlanuvchidan 18 nafarini hibsga olishga order berdi, hibsga olinganlar orasida Superliga klubi prezidenti ham bor. Bu haqda Anadolu agentligi xabar bermoqda.
Avvalroq Turkiya futbol federasiyasi 149 nafar professional hakamni sakkiz oydan bir yilgacha muddatga chetlatgan edi.
Federasiya rahbari Ibrohim Hojiosmono‘g‘li milliy futbolda "ma’naviy inqiroz" kuzatilayotganini aytdi. Uning so‘zlariga ko‘ra, hakamlarga nisbatan o‘tkazilgan tergovda ularning 42 nafari o‘yinlarga mingdan ortiq, bittasi esa 18 227 marta pul tikkanligi aniqlangan. Ko‘p hollarda stavkalar bir marta amalga oshirilgan.
