Энцо Мареска ФИФАнинг "The best" мукофоти доирасида "Йилнинг энг яхши мураббийи" номинациясига номзодлар рўйхатидан жой олди. Жума куни бўлиб ўтган матбуот анжуманида "Челси" бош мураббийи ушбу номинацияга лойиқ кўрилгани ҳақида фикр билдирди.
"Мен жуда бахтлиман, бу ёқимли лаҳза. Аммо буларнинг барчаси футболчилар туфайли - ахир охир-оқибат айнан улар майдонга тушади. Номзодлар орасида бўлиш ёқимли, лекин ҳаммаси футболчиларга боғлиқ. Айнан улар ўйнашади", - деди Мареска журналистларга.
Эслатиб ўтамиз, ёзда "Челси" 32 жамоа билан кенгайтирилган форматдаги илк клублар ўртасидаги жаҳон чемпионатида ғолиб чиққан эди.
