"Бавария" ҳамон марказий ҳимоячи Дайо Упамекано билан шартномани узайтириш борасида келиша олмаяпти.
Мюнхен клуби юлдуз футболчисини эркин агент сифатида йўқотишни истамайди, бу эса келаси ёзда, амалдаги шартнома муддати тугагач содир бўлиши мумкин. Bild хабарига кўра, вазият мураккаблигича қолмоқда - музокаралар яна боши берк кўчага кириб қолди. Французнинг хизматларига Мадриднинг "Реал," "Ливерпуль," "Интер" ва "Челси" клублари қизиқиш билдирмоқда.
Дайо Упамеканонинг Transfermarkt сайтидаги тахминий нархи - 60 млн евро. Жорий мавсумда 27 ёшли футболчи Венсан Компани жамоаси сафида 14 та ўйинда майдонга тушди.
