"Бавария"да бош мураббий Венсан Компанининг ишига ҳавас қилишмоқда. Жамоа жорий мавсум стартидаги барча 16 ўйинда ғалаба қозониб, Европанинг бешта етакчи чемпионатида янги рекорд ўрнатди.
"Венсан - ажойиб мураббий ва худди шундай инсон. У билан ишлаш катта завқ бағишлайди. У клубда узоқ вақт қоладими? Компани "Бавария" учун идеал мураббий эканига ишончим комил, аммо биламизки, футболда ҳеч нарсани 100 фоиз режалаштириб бўлмайди. Агар у "Бавария"да узоқ йиллар қолса, хурсанд бўлардим ва унда бунинг учун барча керакли сифатлар бор", - деди Мюнхен грандининг спорт директори Кристоф Фройнд Sky Sport нашрига берган интервьюсида.
Шанба куни "Бавария" Бундеслига доирасида Берлиннинг "Унион" клуби меҳмони бўлади.
