Испания терма жамоаси бош мураббийи Луис де ла Фуэнте "Барселона" вингери Ламин Ямалнинг соғлиғи билан боғлиқ муаммолар ҳақида хабарлар тарқалганига қарамай, уни терма жамоа таркибига қўшиб олиш қарорини изоҳлади.
Аввалроқ, 18 ёшли футболчи пубалгия туфайли ўзини ноқулай ҳис қилаётгани хабар қилинганди. Бироқ кейинчалик Ямалнинг ўзи бу ҳақиқатга тўғри келмаслигини таъкидлади.
"Бу ерда ҳаммаси оддий. Менинг маълумотларимга кўра, у жуда яхши ҳолатда. Унинг клуб мураббийи футболчи тайёр ва майдонга тушиши мумкинлигини тасдиқлади. Ямал биз билан қанча вақт керак деб ҳисобласак, шунча бўлади. Ҳозир жуда муҳим босқич ва терма жамоа энг кучли футболчиларга эга бўлиши керак", - деди де ла Фуэнте.
Испания терма жамоаси ЖЧ-2026 саралаши доирасида 15 ноябрь куни Грузия, 18 ноябрь куни эса Туркия билан ўйнайди.
