Ispaniya terma jamoasi bosh murabbiyi Luis de la Fuente "Barselona" vingeri Lamin Yamalning sog‘lig‘i bilan bog‘liq muammolar haqida xabarlar tarqalganiga qaramay, uni terma jamoa tarkibiga qo‘shib olish qarorini izohladi.
Avvalroq, 18 yoshli futbolchi pubalgiya tufayli o‘zini noqulay his qilayotgani xabar qilingandi. Biroq keyinchalik Yamalning o‘zi bu haqiqatga to‘g‘ri kelmasligini ta’kidladi.
"Bu yerda hammasi oddiy. Mening ma’lumotlarimga ko‘ra, u juda yaxshi holatda. Uning klub murabbiyi futbolchi tayyor va maydonga tushishi mumkinligini tasdiqladi. Yamal biz bilan qancha vaqt kerak deb hisoblasak, shuncha bo‘ladi. Hozir juda muhim bosqich va terma jamoa eng kuchli futbolchilarga ega bo‘lishi kerak", - dedi de la Fuente.
Ispaniya terma jamoasi JCH-2026 saralashi doirasida 15 noyabr kuni Gruziya, 18 noyabr kuni esa Turkiya bilan o‘ynaydi.
