"Манчестер Юнайтед" бош мураббийи Рубен Аморим ҳужумчи Бенжамин Шешко ҳақидаги фикрлари билан ўртоқлашди.
"Қизил иблислар" 22 ёшли словенияликни август ойида "РБ Лейпциг"дан 75 миллион евродан ортиққа сотиб олган эди.
"У жуда ёш ва мен унинг салоҳияти жуда юқори эканлигини биламан, лекин биз унинг салоҳиятини тўлиқ рўёбга чиқариш учун қандай ўйнашни афзал кўришини тушунишимиз керак.
Мен бутунлай хотиржамман. Шешко келгуси йилларда бизнинг ҳужумчимиз бўлади. Баъзан у қийинчиликларга дуч келади, аммо бу футболда нормал ҳолат", деди Аморим матбуот анжуманида.
