"Челси" ярим ҳимоячиси Энцо Фернандес ўз ҳолати ҳақида маълумот берди. Шанба куни "кўклар" ўз уйида "Вулверхэмптон"ни мағлуб этди (3:0). Аргентиналик футболчи ўйинни асосий таркибда бошлади ва 83-дақиқада захирага олинди.
"Мен Аргентина терма жамоаси қароргоҳига бормайман. Ҳозиргина шифокорлар билан бир неча ойдан бери азоб чекаётган тиззамдаги муаммо ҳақида гаплашдим. Охирги ҳафтада ўйинларнинг тиғиз тақвими туфайли вазият ёмонлашди," - деди Фернандес ўйиндан кейинги интервьюсида.
"Челси"нинг кейинги ўйини терма жамоалар ўртасидаги халқаро танаффусдан сўнг, 22 ноябрь куни бўлиб ўтади - рақиб "Бёрнли" бўлади.
