Ўтган мавсумда италиялик ҳужумчи Федерико Кьеза "Ливерпуль" билан бирга АПЛ ғолибига айланганди. Италиялик журналистлар Кьезадан бу унинг учун нимани англатишини сўрашди. Федериконинг сўзларига кўра, бу "фантастик тажриба" эди.
"Ўтган мавсум давомида кўп ўйнамаган бўлсам-да, "Ливерпуль" билан АПЛда ғалаба қозониш мен учун ажойиб тажриба бўлди. Ёнимда ақл бовар қилмайдиган ўйинчилар. Ва мен жуда мамнунман," - дея Кьезанинг сўзларини келтиради pianetamilan.it.
Айни дамда "Ливерпуль" Англия чемпионати турнир жадвалида тўртинчи ўринни эгаллаб турибди. Клуб якшанба куни АПЛ 11-тури доирасида "Манчестер Сити"га қарши баҳс олиб боради.













