Каталониянинг "Барселона" клуби ҳужумнинг чап қанотини кучайтириш ниятида. Sport.es хабарига кўра, "кўк-анорранглилар" Маркус Рэшфордни "Манчестер Юнайтед"дан сотиб олишга қизиқиш билдирмоқда. Агар келишув амалга ошмаса, каталонияликлар эътиборни бошқа футболчига қаратади.
Манбага кўра, "Барселона"нинг эътиборида Франциянинг "Лион" клуби сафида тўп тепаётган бельгиялик вингер Малик Фофана турибди. Унинг "тўқувчилар" билан меҳнат шартномаси 2028 йилнинг ёзида тугайди ва бозор қиймати 30 миллион еврога баҳоланмоқда.
Жорий мавсумда 20 ёшли футболчи 12 та ўйин ўтказди. Малик иккита гол ва битта голли узатмани ўз ҳисобига ёздириб қўйди.
