Kataloniyaning "Barselona" klubi hujumning chap qanotini kuchaytirish niyatida. Sport.es xabariga ko‘ra, "ko‘k-anorranglilar" Markus Reshfordni "Manchester Yunayted"dan sotib olishga qiziqish bildirmoqda. Agar kelishuv amalga oshmasa, kataloniyaliklar e’tiborni boshqa futbolchiga qaratadi.
Manbaga ko‘ra, "Barselona"ning e’tiborida Fransiyaning "Lion" klubi safida to‘p tepayotgan belgiyalik vinger Malik Fofana turibdi. Uning "to‘quvchilar" bilan mehnat shartnomasi 2028 yilning yozida tugaydi va bozor qiymati 30 million yevroga baholanmoqda.
Joriy mavsumda 20 yoshli futbolchi 12 ta o‘yin o‘tkazdi. Malik ikkita gol va bitta golli uzatmani o‘z hisobiga yozdirib qo‘ydi.
