Мадриднинг "Реал" клуби чап қанот ҳимоячиси Альваро Каррерас яқинлашиб келаётган ўйинда дам олиши мумкин. 22 ёшли футболчи жорий мавсум "қаймоқранглилар"нинг барча мусобақалардаги 15 та ўйинидан 14 тасида асосий таркибда майдонга тушди. Marca нашри тарқатган хабарга кўра, жамоа бош мураббийи Хаби Алонсо испаниялик футболчига чемпионат доирасида "Райо Вальекано"га қарши бўлиб ўтадиган учрашувда дам бермоқчи. Асосий таркибдан Фран Гарсия ўрин олиши кутилмоқда.
Якшанба кунги "Райо Вальекано" - "Реал" учрашуви Тошкент вақти билан 20:15да бошланади. Меҳмонлар ўйинга Ла Лига турнир жадвали пешқадами сифатида ёндашмоқда - улар 11-турдан кейин "Барселона"ни беш очкога ортда қолдирмоқда.













