Лондоннинг "Арсенал" клуби раҳбарияти Леандро Троссард билан янги шартнома бўйича музокара ўтказишни режалаштирган. Бельгиялик футболчининг амалдаги келишуви 2027 йилнинг ўрталарида ўз ниҳоясига етади, шу боис, келаси ёзда футболчи трансфер бозорида арзонлаштирилган нархда харид қилиниши мумкин.
TEAMtalk хабарига кўра, "канонирлар" босслари яқин ойларда Троссар билан музокаралар ўтказишга тайёр. Аммо бу футболчи келаси йили жамоани тарк этмаслигини англатмайди: шартномани узайтириш истаги 30 ёшли вингернинг нархини ошириш ниятидан келиб чиққан бўлиши мумкин.
Леандро Троссард жорий мавсум Микель Артета жамоаси сафида 14 та ўйинда 4 та гол ва 4 та голли узатмага муаллифлик қилди.
