Londonning "Arsenal" klubi rahbariyati Leandro Trossard bilan yangi shartnoma bo‘yicha muzokara o‘tkazishni rejalashtirgan. Belgiyalik futbolchining amaldagi kelishuvi 2027 yilning o‘rtalarida o‘z nihoyasiga yetadi, shu bois, kelasi yozda futbolchi transfer bozorida arzonlashtirilgan narxda xarid qilinishi mumkin.
TEAMtalk xabariga ko‘ra, "kanonirlar" bosslari yaqin oylarda Trossar bilan muzokaralar o‘tkazishga tayyor. Ammo bu futbolchi kelasi yili jamoani tark etmasligini anglatmaydi: shartnomani uzaytirish istagi 30 yoshli vingerning narxini oshirish niyatidan kelib chiqqan bo‘lishi mumkin.
Leandro Trossard joriy mavsum Mikel Arteta jamoasi safida 14 ta o‘yinda 4 ta gol va 4 ta golli uzatmaga mualliflik qildi.
