"Манчестер Сити" бош мураббийи Хосеп Гвардиола "Ливерпуль"нинг ўнг қанот ҳимоячиси Конор Брэдли ҳақида илиқ фикрлар билдирди.
22 ёшли шимолий ирландиялик футболчи "шаҳарликлар"га қарши баҳсда "қизиллар" сафида асосий таркибда майдонга тушди.
"Мен ҳақиқатан ҳам "Ливерпуль"нинг ўнг қанот ҳимоясида ўйнаётган Брэдлига қойил қолдим. Пеп Лейндерс у ҳақда менга мингта мақтов сўзларини айтди. Биз билан ўйиндан олдин Брэдли Винисиусга қарши ажойиб ўйин кўрсатганини биламан," - деди Гвардиола журналистлар билан суҳбатда.
"Ливерпуль" билан учрашув испаниялик мураббий учун мураббийлик фаолиятидаги 1000-ўйин бўлди.
