Мадриднинг "Реал" клуби собиқ ярим ҳимоячиси Сами Хедира "Барселона" юлдузи Ламине Ямала ҳақида қандай фикрда эканини айтди.
18 ёшли вингер сўнгги "класико"да ўйин олдидан "Реал" ҳақида айтган гаплари жанжалга сабаб бўлганди. Бу футболчи билан боғлиқ шов-шувли воқеаларнинг биринчиси эмас.
"Ямал эндигина 18 ёшда. Шу ёшида тўғри йўл тутишни билармиди? Ҳа, баъзида у гапиришда эҳтиёткор бўлиши керак. Клубдаги энг яқин одамлар унга бундай вазиятлардан қочишга ёрдам бериши керак. Бу йигитнинг ўйинини кузатиш ёқимли - у майдондаги ҳаракатлари билан барча футбол мухлисларига завқ бағишлайди," - дея Хедиранинг сўзларини келтиради The Touchline.
Якшанба куни "Сельта"га қарши ўйинда (4:2) Ламин Ямал ўз ҳисобига гол ёздириб қўйди.
