Италия терма жамоаси собиқ бош мураббийи Роберто Манчини Қатарнинг "Аc-Садд" клубидан келган таклифни рад этди. Бу ҳақда Football Italia нашри хабар бермоқда.
Бир ҳафта олдин бир қатор оммавий ахборот воситаларида Манчини Яқин Шарқда ишга жойлашиш бўйича янги таклифни қабул қилишга яқинлиги айтилган эди. Охир-оқибат, у Европадан таклифни кутишга қарор қилди.
Манчини 2023 йилнинг ёзида Италия терма жамоаси бош мураббийлигидан кетганди. 2 ҳафта ўтгач, у Саудия Арабистони терма жамоасини бошқарган ва ўтган йилнинг октябрь ойида мураббий ўзаро келишувга кўра у билан шартномани бекор қилган.
Ўшандан бери у А Сериянинг турли клублари, жумладан, "Ювентус" ва "Аталанта" билан боғланган.
