"Барселона" дарвозабони Жоан Гарсия клуб афсонаси Лионель Мессининг яқинда ташриф буюргани ҳақида гапирди. Аргентиналик футболчи кутилмаганда "Камп Ноу"да пайдо бўлиб, барчани, жумладан, Каталония гранди вакилларини ҳам ҳайратда қолдирди.
"Ҳеч ким Мессининг янгиланган "Камп Ноу"га ташриф буюришини кутмаганди, аммо у буни ажойиб тарзда амалга оширди. Гарчи унчалик аҳамият бермасак-да, кийиниш хонасида муҳокама қилдик. Умид қиламанки, у бир кун келиб клубга қайтади, мен у билан ўйнашни хоҳлардим. Аммо бу қанчалик ҳақиқат эканини билмайман," - дея Гарсиянинг сўзларини келтиради Managing Barca.
Лионель Месси 2021 йилда "Барселона"ни тарк этганди. Айни пайтда 38 ёшли форвард "Интер Майами" шарафини ҳимоя қилмоқда.
