"Валенсия" ва "Реал" клубларининг собиқ дарвозабони Сантьяго Канисарес Ламин Ямалнинг Испания терма жамоаси қайдномасидан чиқарилганига изоҳ берди.
Аввалроқ, "Барселона"нинг 18 ёшли вингери ноябрь ойида Грузия ва Туркияга қарши майдонга тушмаслиги маълум бўлганди. Испания Қироллик футбол федерацияси Ямалнинг чов соҳасидаги ноқулайликни даволаш учун огоҳлантиришсиз муолажадан ўтганидан ҳайратда қолди.
"Эҳтимол, узоқ муддатли истиқболда Ламин учун 10-15 кун дам олиш яхшироқ бўлар, лекин бундай махфийлик ва уруш ҳақиқатан ҳам керакми?
Тарихан шундай бўлганки, "Барселона" Кройф давридан бошлаб ўз футболчиларининг терма жамоалардаги ўйинларини минималлаштиришга ҳаракат қилган", - деди Канисарес.
