Мадриднинг "Реал" клуби ҳужумчиси Родриго Лондоннинг "Тоттенхэм" клуби футболчисига айланиши даргумон.
Аввалроқ, "шпорлар" бразилиялик футболчи учун 80 миллион евро тўлашга тайёрлиги ҳақида хабарлар тарқалган эди.
Журналист Флориан Плеттенбергнинг таъкидлашича, пайдо бўлган миш-мишлар ҳақиқатга тўғри келмайди. Унинг маълумотига кўра, Родриго катта маош олгани учун келишув амалга ошмайдиганга ўхшайди.Шу билан бирга, футболчи барибир январь ойида "Реал"ни тарк этиши истисно қилинмаяпти.
Жорий мавсумда 24 ёшли Родриго барча турнирлар ҳисобида 13 та ўйинда майдонга тушди ва 2 та голли узатмани ўз ҳисобига ёздириб қўйди. Transfermarkt экспертлари футболчининг нархини 80 миллион еврога баҳоламоқда.
