"Атлетико" ҳужумчиси Жулиано Симеоне тез орада клуб билан шартномасини узайтириши мумкин, дея хабар бермоқда инсайдер Фабрицио Романо.
Манбага кўра, томонлар келишувга яқин. Янги келишув 2030 йил ёзигача мўлжалланган бўлиши кутилмоқда.
22 ёшли аргентиналик футболчи жорий мавсум 19 та ўйинда майдонга тушиб, 3 та гол урди ва 6 та голли узатмани амалга оширди. Жулиано мадридликлар бош мураббийи Диего Симеоненинг ўғли ҳисобланади.













