"Лос-Анжелес" ҳужумчиси Сон Хён Мин миш-мишларга қарамай, Европага қайтмаслигини айтди.
Яқинда матбуотда "Тоттенхэм"нинг собиқ юлдузи январь ойида ижара асосида Европа клубларидан бирига ўтиши мумкинлиги, ҳозирча АҚШда мавсумлар оралиғида танаффус эълон қилингани ҳақида хабарлар тарқалди.
"Мен бу қишда "Лос-Анжелес"ни тарк этмайман ва умуман ҳеч қачон, шартномам амалда экан. Мен клубимни ҳурмат қиламан. Ҳеч қандай ижара ва кетишлар бўлмайди", - дея 33 ёшли форварднинг жавобини келтиради журналист Фабрицио Романо.
Сон Хён Мин август ойи бошида "Тоттенхэм"дан Америка клубига ўтганди. Трансфер қиймати 22 млн еврони ташкил этган. Футболчининг меҳнат шартномаси 2027 йил охиригача мўлжалланган.
