Нигерия терма жамоаси 2026 йилги Жаҳон чемпионати Африка минтақаси саралаш босқичининг ярим финал ўтиш ўйинида Габон устидан ғалаба қозонди. Ўйин Работда (Марокаш) бўлиб ўтди.
Асосий вақтда жамоалар биттадан гол урди - 1:1. Нигерияликлар сафида 78-дақиқада Акор Адамс ҳисобни очди. Габонликлар эса 11 дақиқадан сўнг Марио Лемина орқали мувозанатни тиклади.
Қўшимча вақтда Нигерия яна уч марта рақиб дарвозасини ишғол қилди - 4:1. Голларни Чидера Эджуке ва Виктор Осимхен (икки марта) киритди.
Нигерия плей-офф финалига чиқди ва 2026 йилги Жаҳон чемпионатига йўлланма учун Камерун - Конго Демократик Республикаси ўйини ғолиби билан беллашади.
ЖЧ-2026 саралаши. Африка. 2-раунд
13 ноябрь 2025 йил, пайшанба. 21:00
Нигерия - Габон - 4:0
Голлар: А. Адамс - 78 (1:0), М. Лемина - 89 (1:1), Ч. Эджуке - 97 (2:1), В. Осимхен - 102 (3:1), В. Осимхен - 110 (4:1).
