"Барселона" ярим ҳимоячиси Педри клуб мухлисларига мурожаат қилди. "Кўк-анорранглилар" жорий мавсум стартида беқарор натижалар кўрсатмоқда, бироқ 22 ёшли хавбекнинг сўзларига кўра, вазият яхшиланади.
"Мухлисларни хотиржамликка чақирмоқчиман. Нимани нотўғри қилаётганимизни ва ўтган мавсум даражасига етиш учун нимани яхшилаш кераклигини ҳаммадан олдин тушундик. Хатоларни тузатамиз - ва мухлислар яна энг кучли "Барса"ни кўришади," - дея Педрининг сўзларини келтиради испан ОАВ.
Каталония гранди Ла Лига 12-туридан кейин 28 очко билан мусобақа жадвалида 2-ўринда бормоқда.
