Англия терма жамоаси бош мураббийи Томас Тухель "Манчестер Сити"нинг чап қанот ҳимоячиси, миллий жамоада илк бор ўйнаган Нико О'Райлини мақтади.
20 ёшли футболчи "уч шерлар" сафида ЖЧ-2026 саралашидан ўрин олган Сербияга қарши ўйинда дебют қилди. Учрашув инглизларнинг 2:0 ҳисобидаги ғалабаси билан якунланди.
"Нико учун фантастик дебют. У жуда хотиржам ва уятчан одам, кам гапиради. У тезда мослаша олди ва Англия терма жамоаси футболчисига қўйиладиган барча талабларни тушунди. У майдонда ақлли ҳаракат қилмоқда. Мен ундан мамнунман," - деди Тухель ўйиндан кейинги интервьюсида.
О'Райли кеча асосий таркибда майдонга тушди ва ўйин охиригача ўйнади.
