Бразилия терма жамоаси бош мураббийи Карло Анчелотти ўзи ишлаган "Реал" ҳақидаги саволга жавоб берди.
"Реал"ни кузатяпман. У ерда Винисиус, Родриго, Милитао ва Эндрик ўйнайди - шунинг учун менда ҳам профессионал қизиқиш, ҳам ҳиссий алоқа бор. Хаби Алонсо мавсумни жуда яхши бошлади. У деярли барча ўйинларда ғалаба қозонди, фақат Ла Лигада "Атлетико"дан (у ерда ҳамон "Реал" пешқадам) ва Чемпионлар Лигасида "Ливерпуль"дан мағлуб бўлди. Алонсонинг бошқа иложи йўқ эди. Янги ўйинчилар келди, жамоа Хёйсен ва Каррераснинг трансфери ва Милитаонинг қайтиши билан ҳимояда ишончга эга бўлди. "Реал" жуда рақобатбардош кўринмоқда," - дея Анчелоттининг сўзларини келтиради La Gazzetta dello Sport.
"Реал" навбатдаги ўйинни 23 ноябрь куни сафарда "Эльче"га қарши ўтказади.
