Испаниянинг TV3 телеканали экспертлари "Интер Майами" ҳужумчиси Лионель Мессининг "Барселона"га қайтиши клуб учун жуда катта фойда олиб келишини тахмин қилди.

«Мессининг "Барcелона"га қайтиши "охирги рақс" учун клубга 200 дан 300 миллион долларгача даромад келтириши мумкин.

Клуб рақамли соҳада, ижтимоий тармоқларда, X'да (собиқ Twitter), телевиденияда ва барча воситаларда кўп марта кўпайган интерактивлик фоизини олади, бу ҳозир ҳисоблаб бўлмайдиган даражада бўлади.

Мессининг охирги футболкаси ҳақида гапирмаймиз, ҳозир ҳам у дунёда футболкалари энг кўп сотиладиган футболчи», - дейилади телеканал эфирида.

Эслатиб ўтамиз, Лео 2021 йилда молиявий муаммолар сабаб жамоадан кетган эди. Ҳозирда у 38 ёшда.