Португалия терма жамоаси хавбеки Бруну Фернандеш ЖЧ-2026 саралаш босқичи доирасида Ирландия терма жамоасига қарши кечган баҳсдаги ҳужумчи Криштиану Роналдунинг қизил карточкасига изоҳ берди.
"Қизил карточка - футболнинг муҳим ҳодисаларидан бири. Криштиану ўз муносабати учун жазоланди. У бунинг учун оғир тўлов тўлади. Роналду хато қилганини тушунмоқда. Унинг майдонни тарк этиши вазифамизни янада қийинлаштирди, чунки биз гол уриши керак бўлган ўйинчимиздан айрилиб қолдик," - деб ярим ҳимоячининг сўзларини келтиради Record.
Эслатиб ўтамиз, мазкур беллашув сафарда Португалиянинг 0:2 ҳисобидаги мағлубияти билан якунланди.
