Мадриднинг "Атлетико" клуби ярим ҳимоячиси Жулиано Симеоне клубдаги ўйинларига изоҳ берди. У 2022 йилдан буён ушбу жамоада ўйнаб келмоқда, бунгача бир неча йилни ёшлар таркибида ўтказган.

"Мен дарвозага зарба бериш ва ҳужумларни якунлаш каби ўйин жиҳатларини яхшилашим керак. Даражангизни ошириш учун яхшилашингиз керак бўлган кўп нарсалар бор. Ўйин тугагач, уни қайта кўриб чиқаман. Мен уларнинг барчасини кўряпман," - дея футболчининг сўзларини келтиради Cadenaser.

Жорий мавсумда 22 ёшли футболчи клуб миқёсида 16 та ўйинда 3 та гол ва 5 та голли узатмага муаллифлик қилган. Transfermarkt портали Симеоненинг нархини 35 миллион еврога баҳоламоқда.