"Ливерпуль" футболчиси Ибраима Конате Франция терма жамоасидаги жамоадоши Райан Шерки ҳақида қандай фикрда эканини айтди.
Июнь ойи бошида ҳужумкор ярим ҳимоячи "Лион"дан "Манчестер Сити"га ўтганди. Ўшанда у Франция терма жамоаси сафида дебют қилган.
"Мен "Манчестер Сити"даги Шерки ва терма жамоадаги Шерки ўртасида ҳеч қандай фарқ кўрмаяпман. У жуда ёрқин ўйинчи, эски мактаб вакили, томошабинларни хурсанд қилишни яхши кўради. У иккала оёғини ҳам яхши ишлатади. Райанда ўйинни кучайтириши мумкин бўлган кўплаб жиҳатлар бор - энди ҳамма нарса унинг ўзига боғлиқ. У меҳнат қилса, футболда улкан марраларни забт этиши мумкин," - дея Конатенинг сўзларини келтиради Le Parisien.
Якшанба куни "учранглилар" ЖЧ-2026 саралашининг сўнгги турида Озарбайжонга қарши баҳс олиб боради.
