"Барселона"нинг собиқ ҳимоячиси Самуэль Юмтити Антуан Гризманнинг Каталония клубидаги муваффақиятсизлиги ҳақида фикр юритди.
"Кўк-анорранглилар" ҳужумчини 2019 йилда Мадриднинг "Атлетико" клубидан 120 млн еврога сотиб олган эди. Юлдуз француз янги жамоада ўзини кўрсата олмади, шунинг учун у охир-оқибат "матрасчилар" сафига қайтди.
"Нима учун Гризманн "Барса"да муваффақият қозона олмади? Ростини айтсам, билмайман. Бу саволга жавоб беришга қийналяпман. Мен уни яхши биламан, лекин гапирмаслик керак бўлган нарсалар бор. Назаримда, ҳаммаси яхши бўлиши керак эди, ахир Антуан - ақлли ўйинчи, у доим жамоа учун ишлайди. Унинг ўйнаш учун ҳамма нарсаси бор эди. Турли омиллар бор: атроф-муҳит, мураббийлар... Кўп нарса," - дея Умтитининг сўзларини келтиради Barca Universal.
Антуан Гризманн "Барселона" сафида 102 та ўйинда 35 та гол урган, шунингдек, 17 та голли узатмани амалга оширган.
