Бразилия терма жамоаси бош мураббийи Карло Анчелотти "Челси"нинг 18 ёшли футболчиси Эстевао Виллианнинг ўйинига қойил қолди.

Шанба куни ёш вингер бразилияликларга ўртоқлик ўйинида Сенегални мағлуб этишга ёрдам берди (2:0) ва гол урди.

"Эстеваода ақл бовар қилмайдиган истеъдод бор. Унинг шундай ёшда бундай ишларга қодирлиги жуда ҳайратланарли. У ҳужумларни ажойиб якунлайди, унинг ўйинида сеҳр кўп, шу билан бирга у жуда қаттиқ ишлайди. Айтишим мумкинки, Эстевао билан Бразилия терма жамоасининг келажаги порлоқ кўринади," - деди Анчелотти матбуот анжуманида.

Вундеркинднинг ҳисобида Бразилия терма жамоаси сафида ўнта ўйинда тўртта гол бор.