"Ливерпуль" ҳимоячиси Ибраима Конате клуб билан шартномани узайтириши мумкинлиги ҳақидаги миш-мишларга изоҳ берди. Конатенинг таъкидлашича, у сўнгги пайтларда кўплаб нотўғри хабарларни, жумладан, клуб унга янги таклиф билан чиққани ҳақидаги хабарларни кўрган.
Французнинг сўзларига кўра, бу маълумот ҳақиқатга тўғри келмайди. Унинг аниқлик киритишича, унинг вакиллари "Ливерпуль" билан музокараларни давом эттирмоқда.
«Сўнгги пайтларда матбуотда кўплаб маълумотларни кўрдим, масалан, "Ливерпуль" менга янги таклиф билан чиққани ҳақида... Бу қаердан пайдо бўлганини билмайман. Агентларим анчадан буён "Ливерпуль" билан музокаралар олиб бормоқда», - дея Конатенинг сўзларини келтиради Foot Mercato.
Унинг амалдаги келишуви ёзда ўз ниҳоясига етади, ОАВда эса футболчига бир неча хориж грандлари қизиқиш билдираётгани ҳақида хабарлар тарқалган эди.
