Мюнхеннинг "Бавария" клуби форварди Харри Кейн навбатдаги "Олтин тўп" учун кураш ҳақида гапирди.
"Мен ҳатто 100та гол уришим мумкин, аммо бу Чемпионлар Лигаси ёки Жаҳон чемпионатида ғалаба қозонмасам, "Олтин тўп"ни қўлга киритишимга ёрдам бермайди. Эрлинг Холанднинг ҳам, бошқа ҳар қандай даъвогарнинг ҳам аҳволи шундай. "Олтин тўп" учун совринлар муҳим," - деди англиялик тўпурар.
2025/2026 йилги мавсумда Кейн "Бавария"нинг 17 та жангида иштирок этган. Ҳужумчи 23 та гол ва учта голли узатма муаллифи бўлди.













