Фаластин терма жамоаси Басклар мамлакатида ўртоқлик учрашуви ўтказди, ўйиндан тушган барча даромад хайрия ишларига сарфланади.
Араб жамоаси 0:3 ҳисобида ютқазган бўлса-да, жамоа устози Эхаб ал-Жазар ўйиндан кейин худди шогирдлари жаҳон чемпиони бўлгандек хурсанд кўринди. Фаластин терма жамоаси учун бу Европада ўзини кўрсатиш имконияти, имиж нуқтаи назаридан энг муҳим ўйин бўлди.
"Бу ҳаётимдаги энг яхши кунлардан бири. Европада ўйин ўтказган Фаластин терма жамоасига мураббийлик қилаётганимдан фахрланаман. Бильбаода бизни меҳр ва эътибор билан кутиб олишди. Мадҳия ижро этилаётганда йиғладим. Шунчаки сўзларга ҳожат йўқ, фақат ҳиссиётлар," - деди ал-Жазар.
Фаластин терма жамоаси ФИФА рейтингида 98-ўринда бормоқда.
