"Барселона" вингери Ламин Ямал тез орада майдонга қайтиши кутилмоқда. 18 ёшли футболчи Испания терма жамоасининг ноябрь ойидаги ўйинларини ўтказиб юборди - у пубалгия билан курашишда давом этмоқда. Шунга қарамай, журналист Хави Кампоснинг маълум қилишича, "кўк-анорранглилар"нинг ёш юлдузи 22 ноябрь куни бўлиб ўтадиган Ла Лиганинг "Атлетик" Бильбаога қарши ўйинига қадар тикланиб улгуради.
Шунингдек, Педри катта эҳтимол билан Чемпионлар Лигаси доирасидаги "Челси"га қарши ўйинга (25 ноябрь) қайтиши тахмин қилинмоқда.
Ламин Ямал жорий мавсумда Ханс-Дитер Флик жамоасининг 11 та учрашувида 6 та гол урди ва шунча голли узатмани амалга оширди.
