Саудия Арабистонининг "Ал-Ҳилол" клуби ярим ҳимоячиси Рубен Невеш фаолиятини Италия А Сериясида давом эттириши мумкин. Португалияликнинг амалдаги шартномаси 2026 йил ўрталарида тугайди ва вазиятни Миланнинг "Интер" клуби диққат билан кузатиб бормоқда, деб ёзади журналист Экрам Конур.

Ҳозирча расмий музокаралар олиб борилмаяпти, аммо хавбек клубини ўзгартиришга тайёр ва яна Европанинг етакчи чемпионатида ўзини синаб кўрмоқчи.

2023 йилнинг ёзида "Ал-Ҳилол" Рубен Невешни Англиянинг "Вулверхэмптон" клубидан 55 млн еврога сотиб олганди. Португалия терма жамоасининг 28 ёшли футболчисининг айни дамдаги нархи Transfermarkt портали томонидан 25 млн еврога баҳоланмоқда.