"Барселона" қанот ҳимоячилари Алехандро Бальде ва Жюль Кунденинг ўйинлари ҳамон саволлар уйғотмоқда.
Клубдагилар 22 ёшли испаниялик ва 27 ёшли французнинг жорий мавсумдаги ўйин даражасидан "хавотирда", деб хабар беради Mundo Deportivo. Ўтган мавсумда иккаласи ҳам ўзини анча яхши кўрсатгани ва "кўк-анорранглилар" аллақачон муаммога ечим излаётгани тушунарли ҳолдир.
Бальденинг пасайиши мудофаанинг чап қанотида етарли рақобат йўқлиги билан боғлиқ бўлиши мумкинлиги тахмин қилинмоқда. 2026 йилда "Барса" ўз тарбияланувчиси Алехандро Гримальдони қайтаришга ҳаракат қилиши мумкин - "Байер" юлдузини 15-20 миллион еврога сотиб олиш мумкин.













