"Айнтрахт" клуби қанот ҳимоячиси Натаниэль Браун Мадриднинг "Реал" ва "Манчестер Сити" клублари рўйхатида бор. Бу ҳақда SPORT BILD хабар бермоқда.
Манбага кўра, ҳар икки клуб жорий йилнинг октябрь ойида Германия терма жамоаси сафида дебют қилган 22 ёшли футболчининг муваффақиятларини кузатиб бормоқда. 2024 йилда "Айнтрахт" спорт директори Маркус Креше Браунни "Нюрнберг"дан уч миллион еврога сотиб олганди, аммо энди клуб ҳимоячини бу суммадан ўн баробар қимматроқ деб ҳисобламоқда.
Жорий мавсумда Браун барча мусобақаларда 15 та ўйинда майдонга тушиб, 1 та гол урди ва 3 та голли узатмага муаллифлик қилди.
