Жаҳон чемпионати - 2026 саралаши доирасидаги уй учрашувида Германия терма жамоаси Словакия терма жамоаси устидан йирик 6:0 ҳисобида ғалаба қозонди. Бу натижа ҳақида "бундестим" мураббийи Юлиан Нагельсманн ўз фикрларини билдирди.
"Ўйиндан жуда яхши таассуротлар олдим. Жамоада ажойиб кайфият бор. Бу мутлақо ҳақли ғалаба эди. Германия терма жамоаси ажойиб ўйин ўтказди. Дастлабки дақиқаларданоқ голга яқин эканимиз кўриниб турарди. Ўйин давомида кўплаб ажойиб голлар урдик," - дея мутахассиснинг сўзларини келтиради УEФА матбуот хизмати.
Германия терма жамоаси 15 очко жамғариб, биринчи ўрин билан ЖЧ-2026 йўлланмасини қўлга киритди.
